AL NOS DAL TORCIU DA CRAVAIANA

A vuglu dricc an pei
chissà che purtamëint!
Nissün di seui fradèi
l'è gnù cun tant murdëint,

sal trunch fiurì dal mës-ciu
la scorsa sëcca e düra
an marchiu 'd veru mas-ciu
cul premiu dla Natüra,

an quëinta par bracèlu
a misürèghi 'l gir,
nissün a rampaghèlu:
ma scala e 'n quai suspir...

Chissà j'agn cal gh'èva!
cëint, doicëint, nen menu
magari g'ambruièva
quaidün l'é mullà 'l frenu...

Rèsghi, fauciëit, pioli,
armai cumè nèe 'n guèra,
an mügiu da paroli
prima 'd vuglu 'n tèra.

Addiu noti 'd cuncèrt
dal foji sfiurai dal vëint,
addiu tich tach d'jespèrt
a scoghi cul munumëint...

N'aiüt par l'avvegnji
stüdià par an puntigliu:
laurèe par custrüji
an torciu par fèe l'euliu

antorn in facghi 'l müri
matüghi 'l tëcc da paia
studià novi misüri,
facc rëindi la frigaia,

chissà 'ncòo par quëint'agn
l'é sëimpi tagnù botta,
na stissa 'n più 'd vadagn
da culla pisarotta.

Purtreupp al dì fatal
l'é gnù prima dla guèra:
cul nos mumumental
l'é stacc vandù la fera!...