AL COSTÜM DA CRAVAIANA

Ogni populu sla Tèra
cun al propji ambisioin
l'è cuntrariu a fèe la guèra
e gelos dal tradisioin,

ogni popul c'as rispetta
al cunsèrva j'esperiensi,
al prugrèss sicr lu accètta
ma 'l vò 'l sui indipendensi.

J'abitüdin da vastisi
an custüm cumè na vota
a dispias a vughji 'n crisi
patrimonji ch'jèru dotta:

cunsarvumma stu custüm
st' inventariu da mudèi
nen cal vaga furnìi 'n füm
l'è 'n unor a cunsarveii.

La camisa dal punciëtt
an lavoo di püsè fin
sia pulsin sia gulëtt
an ricam da cèrtusin,

i ligaim da espusisiun
urnamëint ben antunai
tant impëgn e precisiun
par l'unor dal nosti vai

sora 'l bust facc da tibé
cun lurìa vurlàa 'n gir
al faudàa ligà da dré
na spettacul quan cl'è 'n tir

sal davanti prusperos
ampustà, furnì cun cüra
bell lavòo meticulos
cal risalta la figüra,

Camisetta da vulù
an mudèll induvinà
eleganta a vugla sù,
la fa scicch e nuvità

'l fassuleutt ripar dal sòo
a cumpleta 'l neust custüm,
an regal dla vall an fiòo
facc par setnghi 'l sèu prufüm!